2000-ға жуық пәтер: құжат қабылдау басталды

Жұмыс істейтін жастар үшін сатып алу құқығынсыз жалға берілетін тұрғын үй бағдарламасына қатысуға өтінім қабылдау 5-10 қараша аралығында жүргізіледі. Құжаттар "Smart Astana" порталында ЭЦҚ арқылы онлайн түрде қабылданып жатыр.

Жастарға қолайлы жағдай жасау және олардың Халыққа қызмет көрсету орталығына (ЦОН) баратын уақытын үнемдеу үшін "Азаматтарға арналған үкімет" мекемесі ЭЦҚ рәсімдеуге болатын 3 қосымша қызмет көрсету орнын ұйымдастырып отыр.

Мемлекеттік корпорация қызметкерлері "Жанұя" отбасы институтының қолдау орталығында, Сарыарқа мен Есіл аудандарының "Оpen akimat" ғимараттарында ЭЦҚ мен бағдарламаға қатысуға қажет құжаттар тізімін беруде.

ЭЦҚ беру бойынша қосымша орындардың мекен-жайы:

 - "Жанұя" отбасы институтын қолдау орталығы, Бейбітшілік көшесі, 14,

- Сарыарқа ауданы, Сарыарқа к-сі, 13,

- Есіл ауданы, Қабанбай батыр даңғылы, 33.

Бұған дейін SK News жазғандай, жастарға Нұр-Сұлтан мен Алматыда 1050, ал Шымкентте 904 жаңа пәтер табысталмақ. Тәуелсіздік күніне орай берілетін баспаналарды жалдау құны айына небары 10-12 мың теңге аралығында болады деп мәлімделуде.